Pagbasa at Pagsusuri ng Iba't Ibang Teksto Tungo sa Pananaliksik (Tekstong Prosidyural)

Paggawa ng Blog.

    Ang paggawa ng blog ay isang paraan upang maipahayag ng isang tao ang kanyang saloobin. Maraming uri ng blog depende sa paksa na iyong tatalakayin. Isang magandang niche ay showbiz dahil popular na ito kahit saang sulok ng bansa. Lumilikha ang tao ng blog ayon sa kanilang nakahiligan, halimbawa ikaw ay mahilig sa mga games magandang gawing paksa ito sa mga nagsisimulang mag blog. Kung ikaw ay mahilig mag drawing or mga fashion lahat ito ay pwede basta tiyaking may magbabasa ng iyong blog.

Mga hakbang sa paggawa ng blog:

Mag Rehistro Ng Google Acount, mag sign in sa iyong google acount. Pinadali ng google ang kanilang serbisyo, hinde mo na kaylangan mag sign up para magkaroon ka ng blogger account. Pinagsama na nila ang kanilang mga produkto. Pumunta lamang sa www.blogger.com mag sign in gamit ang iyong google acount upang mapunta ka agad sa iyong blogger acount dashboard. Ngayong meron ka ng blogger acount pwede ka ng gumawa ng sarili mong website.
Pumili lamang ng gustong pamagat o blog na gustong isulat. Sa address tignan kung available ang napiling address at kapag ayos na pindutin ang create blog. Congratulation! ngayon meron ka ng sariling website pero wala pa itong laman.

Sa paggawa ng post sa website Click lang ang post o new post upang makalikha ng laman ang iyong website, kung ikaw ay natapos na pwede mo na itong i-publish. Ibahagi ito sa google plus upang mabasa ng mga readers. Invite ang mga friends upang bisitahin ang iyong website.

Tekstong Argumentatibo

Curfew

   Ang curfew ay ang takdang oras o hudyat ng pagbabawal sa mga taong sibilyan na lumabas ng kani-kanilang mga bahay. Maaari rin itong tumukoy sa takdang oras o hudyat ng pagpatay ng apoy sa mga kalan ng mga bahay-bahay na ipinaiiral noong unang panahon. Ito rin ang oras o hudyat kung kailan dapat na umalis na sa mga lansangan at umuwi na patungo sa mga tahanan ang mga tao.
Ayon sa survey sa internet , marami ang kontra sa curfew lalo na ang mga kabataan. Subalit nakakita pa rin kami nang mga sang ayon dito katulad ng nasa baba;

"Sa palagay ko, makatwiran ang curfew sa akin, kasi kapag kulang ako sa tulog, nagiging mainitin ang ulo ko!" -Gabe, 17yrs old student.

"Maraming beses na akong iniligtas ng curfew ko. Halimbawa sa isang parti may kabataang nagdala ng alak. Nang makita namin 'yon, idinahilan namin ng kaibigan ko ang curfew para makaalis sa parti na iyon." -Katie 18yrs old.

 Nakakabuti naman talaga ang curfew, ngunit marami pa ring nagrereklamo sa kadahilanang nakakasakal daw ito. Dahil hindi nila naiisip ang magandang dulot nito sa kanila, at ang pananagutan ng mga magulang nila kapag may nangyaring masama sa kanila sa oras ng curfew.

Pagbasa at Pagsusuri ng Iba't Ibang Teksto Tungo sa Pananaliksik (Tekstong Argumentatibo)

Huwag abusuhin, Teknolohiya natin

   Tayo ngayon ay nasa makabagong panahon na, kung saan nakadepende na sa teknolohiya ang mga gawain ng tao. Ang teknolohiya ay isang imbensyon sa paglapat ng kasangkapan, kagamitan, makina at proseso upang mapadali ang pang-araw-araw na gawain ng tao. Umuunlad na nga ang ating panahon ngayon. Marami na ang mga bagong teknolohiya gaya ng cellphone, computer, iPod, MP3, MP4 at iba pa. May iilan na nagtatalo kung nakabubuti o nakasasama ba ang epekto ng teknolohiya sa ating lipunan. Ngunit marami rin namang pabor sa pag-angat ng teknolohiya sa kadahilanang nagbibigay ito ng magandang dulot sa pamumuhay ng mga Filipino. Ngunit minsan ay nasosobrahan na sa paggamit ang mga tao at wala na sa lugar gaya kapag nasa hapag-kainan ang buong pamilya at ang bawat isa ay gumagamit ng cellphone.

Ang mga kabataan ang lubos na apektado ng mga nega­tibong epekto ng teknolohiya. Ang iba ay napababayaan na ang kanilang pag-aaral dahil naaadik sa paglalaro ng mga games sa kompyuter. Lubos ngang umuunlad ang teknolohiya nga­yon ngunit lagi nating tandaan na hindi puro mabuti ang nadudulot nito. Kaya huwag nating abusuhin ang paggamit ng teknolohiya at kung kaya nating balansehin ang paggamit ng teknolohiya, gawin natin!

Pagbasa at Pagsusuri ng Iba't Ibang Teksto Tungo sa Pananaliksik (Tekstong Naratibo)

"Pusa"

  Isang araw may dalang pusa ang Tito ko, nagulat ako dahil wala akong hilig sa hayop, isang pusa na nagngangalang "Monica". Naalala ko pa nga nung may kuwago, oo, "owl", na nahuli doon sa may tulay sa amin malapit sa bukid, tinititigan ko lang yun hanggang sa nung kaya nang lumipad nung kwuga ay nakikisama lang akong tumingin sa papalipad na ibon.

  Pagkatapos, araw ding iyon ay hinawakan kolang yung ulo nung pusa hanggang sa makatulog. Dun na nag-umpisa yung hilig ko sa pusa. Dumaan ang ilang linggo ay nabalitaan ko na lang na nanganak siya. Kaya pala nagtataka ako bakit malaki ang tiyan niya kahit gutom siya at naghahanap pa lang ng makakain. Lumabas ang una niyang anak, sobrang payat nun. Sumunod naman dun yung isa na mukha namang malusog. Binigyan namin ng pangalan yung nauna, "Panget" ang binigay naming pangalan sa kaniya. Dahil parang ang payat niya para maging kuting, pero 'di ko alam kung bakit ayun lang ang dahil kaya ayun yung binigay naming pangalan sa kaniya.

Siya yung unang pusa at alagang hayop na nakasundo ko, sabi ko nga kamukha niya si garfield kaso mapayat siya. Orange kasi yung kulay ng balahibo niya tsaka may puting mga linyang balahibo sa buong katawan niya, na malayong kulay sa balahibo nang nanay at kapatid niya. Lalake yung kasarian niya, kaya mas malikot at aktibo siya kesa sa kapatid niya at sa nanay niya na parehas na babae.

    Palagi niyang kinakagat yung daliri ko pero hindi masakit, yung tipong nilalaro niya lang. Siya yung nakapagpa-alis sa takot ko sa mga hayop. Isang araw nung umuwi na yung pinsan ko kasama yung mama niya galing sa apartment sa mandaluyong. Matapos ang limang araw nagustuhan ng nanay ng pinsan ko si Panget at dinala niya ito sa Lola nila, sa mama nang mama niya. Ang gulo diba? Hahahahahah. Matapos ang isang taon at mga buwan na ang nakalipas. Yung pinakapaborito kong alaga na si panget, namatay na daw. Akala ko nalason siya dun, pero narinig ko sa pinsan ko "Nakipag-away siya sa malaking aso, umuwi siyang duguan"(nakauwi pa siya) at nakita daw siya na patay sa may daanan bandang hapon.

Pagbasa at Pagsusuri ng Iba't Ibang Teksto Tungo sa Pananaliksik (Tekstong Deskriptibo)

"Bulalakaw"

   Ang bulalakaw ay isang malaking batong pangkalawakan. Nakikita natin ito sa gabi na pabagsak, napakaganda nito sa ating paningin kaya't kinukuhanan ng litrato nang mga litratista. Tuwing bumabagsak ito at nakikita nating mga Tao, ay nagbibitaw tayo nang kahilingan. Kahilingang kadalasa'y imposibleng makamtan...

May magagandang katangian ang isang bulalakaw o sabi nga nila sa Ingles "shooting star". Parang bulaklak sa kalangitan, parang ilaw sa mga kabahayan, nagnining, kumikinang.

Pagbasa at Pagsusuri ng Iba't Ibang Teksto Tungo sa Pananaliksik (Tekstong Impormatibo)

"Grab at Uber, Malaking Tulong o Dagdag Perwisyo?!"          

     Pinatawan ng tig-limang milyong pisong multa ng Land Transportation Franchising and Regulatory Board o LTFRB ang mga transport network companies na UBER at GRAB. Ito ay dahil sa patung-patong na paglabag sa Terms of Accreditation na inilatag ng ahensya.

Ayon kay LTFRB Chairman Martin Delgra, hindi nila pinatigil ang operasyon ng dalawang kumpanya pero kinakailangan nilang magbayad ng multa dahil sa paglabag.

Lumalabas na parang Illegal pa rin ang mga kumpanyang  Grab at Uber. Kaya naman, Upang makabalik na sa mga kalsada, nagbayad ng P190 milyon ang ridesharing company Uber sa Land Transportation Franchise and Regulatory Board. Nagtungo ang mga kinatawan ng Uber sa tanggapan ng LTFRB upang magbayad ng multa na naka tseke.

Sinuspinde ng LTFRB ang Uber nitong Agosto 14, 2017 dahil sa iba’t ibang violations.

X

     Inalok naman nila ang ridesharing company na magbayad ng multa upang hindi na bunuin ang isang buwan na suspensyon.Mapupunta umano ang pera sa national treasury. Isa si Senate Committee on Public Services chair Sen. Grace Poe sa mga nadismaya sa pagsuspinde ng LTFRB sa uber dahil libu-libong mananakay ang apektado sa suspensyon. Una nang nagbayad ang Uber at ang isa pang ridesharing company na Grab ng P5 milyon na multa nitong Hulyo.